ඇන්ටනීගේ කලිසම හා සම්බන්ධ කතා එකක් කියා නිම කිරීමට නොහැකි තරම් විශාල ය... ඒ තරමට ම ඇන්ටනීගේ කලිසමට අපල ය... ඇන්ටනීගේ මතකය අනුව ඔහු ප්‍රථම වතාවට දිග කලිසමක් ඇන්දේ 10 වසරේදීය... ඒ කාලයේ සිටම ඇන්ටනී සිය කලිසම ඉරා ගැනීමට හපනෙකි. ඒ ඇන්ටනීගේ ගාය නිසා ය.. මෑතකදී ඇන්ටනීගේ කලිසමට සිදු වූ ඇබැද්දියක් ගැනය මේ කතාව............
ඇන්ටනී සිය මිතුරන් කිහිප දෙනෙකුට තම කරාටේ හැකියාවන් ප්‍රදර්ශනය කරමින් සිටියේ ය... පා පහර ඇන්ටනීට හොද හැටි හුරුය... එනිසාම ඔහු කිසිදු බියක් සැකක් නැතිව ඕනෑම තැනක සිය පා පහර භාවිතා කරයි... ඇන්ටනී රගන අතර සුගතා සිය හඩ අවදි කලේය... "ආහ්..පුලුවන් නම් කකුල පැත්තෙන් උඩට උස්සලා ගහපන් බලන්න" යයි සුගතා සිය සුපුරුදු ගොන් පාට් එකක් දැමීය... ඇන්ටනීද ඕනෑම අභියෝගයකට ඔට්ටුය... විශේෂයෙන්ම පිරිසක් ඉදිරියේ සිටින විට එය තවත් උත්සන්න වේ.... කෙසේ කෙසේ හෝ සුගතාගේ අභියෝගයට රිප්ලයි එකක් දීමට ඇන්ටනී වහා ක්‍රියාත්මක විය.... එසේ ක්‍රියාත්මක වූ ඔහු පා පහරක් ගැසීය... එය සාර්ර්‍ථක විය... එහෙත් ඇන්ටනීට එය ප්‍රමාණවත් නොවිණි. එබැවින් ඔහු දෙවැනි වරටද කලින් එකට වඩා වෙරට පහරක් ගැසීය... ඇන්ටනීට මතක "පටෝස්" ගා හඩක් ඇසුනු බව පමණකි.... එතැන සිදුවූ දෙය දන්නෝ දනිති. ඇන්ටනීට වස නෝන්ඩියකි.... මෙය මිශ්‍ර පාසලක සිදු වූවා නම් ඇන්ටනීට සිදු වන්නේ බඩ කපාගෙන මිය යාමටය... එහෙත් ඇන්ටනීගේ වාසනාවට ඔහු අධ්‍යනය ලැබුවේ නගරයේ ආදර්ශමත් පිරිමි පාසලක ය... කෙසේ කෙසේ හෝ ඇන්ටනීට වෙනත් කලිසමක වුවමනාව තදින් දැනුණි... එතරමටම ඇන්ටනීගේ කලිසම ඉන්ජර්ඩ් ය... වාසනාවකට මෙන් ඇන්ටනීගේ බොක්කේ මිතුරෙකු වූ බෝක්කුවා වැඩේට සම්මාදන් විය... ඔහු පාසලින් හදිසි පිටවීමේ දොරටුව (කොල්ලන් අනවසර පැමිණීම් හා පිටවීම් සිදු කරන තාප්පය ) හරහා ඇන්ටනීව සිය නිවසට රැගෙන ගියේ ය.... බෝක්කුවාගේ නිවස ඇත්තේ පාසලට තරමක් සමීපයෙනි.... එහි යන අතරතුර සිදුවූ රසබර සිදුවීම් බොහෝය... ඒවා පසුවට තබමි..කෙසේ කෙසේ හෝ ඇන්ටනී බෝක්කුගේ කලිසමක් ඇදගෙන නැවත පාසලට පැමිණියේ ය.... සිය ගෞරව නාමයට සිදුවූ කැලළ පිලිබද තරමක දුකක් ඇන්ටනීට ඇති මුත් හැම දෙයක්ම සිදු වන්නේ මිනිස්සුන්ට යැයි කියා හෝ නැට්ට පිටින් අලි මැරෙද්දි ඕවා මොනවා දැයි කිය හිත හදා ගැනීමට ඔහුට හැකි බව ඔහු ප්‍රකාශ කළේ ය....
මෙම කතාව කොල්ලන් පස් දෙනෙකුට සීමා කිරීමට හැදුවත් එය එසේ කළ නොහැකි වන්නේ ඇන්ටනීගේ සාමාජීය සුවතාවය නිසා ය.... කෙසේ කෙසේ හෝ ඇන්ටනීගේ කතාවට අලුතින් එකතු වන චරිතය නම් රේමා ය. රේමා යනු, ඇන්ටනීට පේළියක් ඉදිරිපසින් සිටින්නෙකි...( පේළියක් ඉදිරියෙන් සිටින්නේ හැකියාවෙන් නම් නොව.., පන්ති කාමරයේ සැකැස්ම නිසා ය ) රේමාගේ සහෝදරයා එනම් ලොකු රේමා ලගදී පිට රටක සිට සිය ගම රට බලා පැමිණියේ ය.... ශක්‍රයාගේ පුතා වයිමා පිට රටක සිට පැමිණිය ද ඔහුගෙනුත් චොකලට් බලාපොරොත්තු වීම කොල්ලන්ගේ සිරිතය... එසේ නම් ලොකු රේමා ගැන කවර කතාද..?
කොල්ලන් පස් දෙනෙක් විය.....එකෙක් ඇන්ටනීය....සමහරවිට මෙය ලියනුයේ ඔහු විය හැක... අනෙකා බෝක්කුවාය.... පිළිවෙලින් සුගතා, චිපර් (chiper) සහ කබරා සිටී..... පාසලට පැමිණෙන අතර ඇන්ටනි බස් හෝල්ට් එක මුර කරයි.. එය පවුල් පුරශ්නයකි. අත දැමීමට ගොස් දත ගලවා ගත යුතු නැත... මන්ද යත් ලගදී සිට කරාටේ උණකින් පසු වන බැවින් අතට හසු වන එකාට ගැසීම මොහු විනෝදාංශයක් කරගෙන ඇති බැවිණි... පාසල් දින උදෑසන 7.30ට කැන්ටිම අසලට පැමිණ දවසක් තුල රැස් කරගත් පච සියල්ල දිග හැර අවසන මොවුන්ගේ කල්පනාව පන්ති භාර ගුරුවරියගෙ (ගුරුවරියගේ නම සෂිකා ලෙස ගනිමු ) කච කචයෙන් බේරී පන්තියට පැණ ගන්නා ආකාරයක් පිළිබදවයි.... ඇතැම් දිනක බෝක්කු සහ ඇන්ටනි වැඩේ දෙල් කරගන්නේ සිය රැවුලට පින් සිදු වන්නටය.... එවැනි අවස්ථාවක සෂිකාගෙන් බේරීමට අපහසුය. කන් අඩිය රැවුල් ගස් වලින් තද කරගෙන මොවුන් ඉවසා දරා වදාරන සේක.... අනිත් බෙල්ට් එක සෙට් වන්නේ පන්තිය UC (පන්තිය පිරිසිදු කිරීම ) දවසකටය.... ජීවිත කාලයටම දෙවරක් හෝ තුන් වරක් පන්තිය අතු ගෑ බව ඇන්ටනීට මතකය.... අනෙක් උන්ගේ අතු ගෑමේ අත්දැකීම් මෙහි සටහන් නොකරමි. මෙසේ සෑම උදයකම මොවුහු සෂිකාට පින් සිදු වන්නට කනට මී පැණි වත් කර ගනිති.............................
අවුරුදු 12කට ආසන්න කාලයක් පාසල් ගියද දිනකට කාලච්ඡේද 8ක් ඇති බවමොවුන් නොදනී... එයිනුත් අඩක්ම සරාගේ ( මෙහි සරා යනු පාසල් කැන්ටිමේ අයිතිකරුය ) කැන්ටිමෙන් පෝෂණය වෙමින් පච පොත් පිටු ගනන් ලියති....
